Entrante 1 di yanüari 2025 a oumentá salario mínimo na Kòrsou, ku sueldo pa ora ta subi di NAf 11,28 florin pa NAf 11,72. Pa un siman di trabou di 40 ora, esaki ta suma na un salario mensual brutu di Naf 2029,90. Esaki ta representa un aumento di 3.9%, ku ta den liña ku inflacion i e aumento di kosto di bida. Na Boneiru, e salario mínimo ya a subi aña pasá di USD 1.236 pa USD 1.750 pa luna pa un siman di trabou di 40 ora, loke ta ekivalente na un salario pa ora di USD 10,10. Entrante 1 di yanüari 2025, e montante aki a wòrdu oumentá atrobe ku 2.5 porshento pa un salario mínimo pa ora di USD 10.35.
Aumento di preis riba e islanan
Ultimo añanan, kosto di bida riba e islanan a oumentá signifikantemente. Indexacion ta nifika ku e salario minimo ta wordo ahusta anualmente den liña ku e aumento di kosto di bida, expresa den e indice di prijs di konsumo. Na Kòrsou, e índise di preis di konsumidó a oumentá ku 3.9% na ougùstùs 2024 kompará ku ougùstùs 2023. E oumento di salario mínimo tin komo meta pa protehá e gruponan mas vulnerabel den sosiedat kontra pèrdida di poder di kompra.
Retonan pa dunadónan di trabou
Hisa e salario minimo ta trece retonan pa dunadonan di trabou den sector priva. Spesialmente na Boneiru, kaminda salario mínimo a subi signifikantemente debí na e preisnan ku ta subiendo drástikamente. Pa yuda dunadónan di trabou kumpli ku e gastunan di salario mas haltu ku ta resultá di e oumento di e salario mínimo, e primanan di dunadó di trabou inkluyendo seguro di salú a wòrdu redusí ku 1.6% ku efekto for di 1 di yanüari 2025. Kompará ku gastunan ku ta oumentá, e medidanan di kompensashon ta kedando atras. E tipo di kambionan ei por resultá den kontratonan di trabou temporal ku no ta wòrdu prolongá òf ku dunadónan di trabou ta redusí. P’esei semper mester mira medidanan pa stimulá poder di kompra ku konsekuensianan di lei di empleo den un konteksto mas grandi.
Tokante e outornan
Nethania Hill
