Nos no tey ainda! E fin di e pandemia di corona ta leu di ta serka. E konsekuensianan di e coronavirus ta partikularmente visibel durante e periodo di zomer aki. Medidanan di biahe ta wòrdu adaptá i kambia konstantemente. Tanto na Curaçao como na Hulanda test obligatorio ta un di e rekisitonan pa biaha. Den Europa, pa algun pais, prueba di vakunashon ta sufisiente. Esaki ta parse di ta kubri sufisiente e riesgo di turistanan ku ta importá e vírùs. Sinembargo, manera a spera, e polítika aki no ta hermétiko. Den e kuadro aki, Inspekshon di Medio Ambiente i Transporte, aki despues referí komo ‘ILT’, a lansa un investigashon riba e kòntròl di tèst i evidensia dor di kompanianan di aviashon. Esaki a mustra cu no tur ora aerolineanan ta controla test of certificado di vacunacion negativo.
E blog aki ta trata brevemente e grado te na kua kompanianan di aviashon por wòrdu tené responsabel pa e falta di kòntròl aki pa prevení e plamamentu di e coronavirus.
Pa establesé responsabilidat, mester tin un inkumplimentu di e deber di kuido ku ta kausalmente ligá na e daño sufri (lesa: tasa haltu di infekshon di e coronavirus). Den e caso aki, e deber di cuido di e aerolineanan ta wordo cumpli primordialmente door di e controlnan cu nan mester haci riba pasaheronan cu mester tin e papelnan rekeri. E pregunta, sinembargo, ta te na ki grado un inkumplimentu di e deber di kuido aki por kondusí na responsabilidat. E pregunta di kausalidat entre e kòntròl inadekuá i e prevenshon di e plamamentu di e coronavirus ta hunga un ròl grandi. E pregunta aki ta wòrdu determiná mas aleu dor di e siguiente faktornan.
Inicialmente, ta e biaheronan mes mester carga e responsabilidad pa tin e documentonan corecto. Ta bon pa remarca cu biaheronan ta na altura pa algun tempo caba cu no tur ora ta haci controlnan pa sigura cu nan tin certificado di vacunacion y test. Esaki ta nifiká ku tin mas chèns di sosodé un inkumplimentu di e deber di kuido di e kompanianan di aviashon, ya ku biaheronan tin mas chèns di drenta sin e dokumentonan korekto. Den e sentido aki, e hecho cu e supervision inadecua aki ta tuma luga pa biahenan for di paisnan di riesgo halto tambe ta haci e deficiencianan di parti di e aerolineanan mas serio.
Un otro pero igualmente importante ku mester tene kuenta kuné den e potrèt aki ta ku gobièrnunan ta kreando reglanan nobo konstantemente ku ta hasié difísil pa kompanianan di aviashon kontrolá. Al fin i al kabo, ta difísil pa implementá un polítika ora e polítika den su mes ta sometí na kambio kontinuo. Un inkumplimentu di e deber di kuido ta ménos hustifiká den e sentido aki.
E punto di salida ta y ta keda cu daño no por wordo preveni completamente. Esaki tambe ta e punto di salida den e kaso presente. E sirkunstansianan di e kaso mester determiná finalmente te na ki grado ta apropiá pa tene e kompanianan di aviashon responsabel pa un kòntròl inadekuá.
Deber di kuido i e riesgonan di responsabilidat asosiá no ta konta solamente pa kompanianan di aviashon, naturalmente.
Diskutiendo riesgonan di responsabilidat ku bo kompania mester konsiderá? Despues tuma kontakto cu nos. Nos ta kontentu di por yuda bo.
Tokante e outornan
