Wildeman Legal ta un ofisina di abogado ku ta traha pa i ku su klientenan pa alkansá kalidat. Kontratonan, konseho i strategia prosedural bon pensá ta lokual nos ofisina ta para p’e. Nos ta haña importante pa nos servisio hurídiko ta komprendibel.

Nos tei pa klientenan individual i profeshonal ku kier resolvé un disputa mas efisiente posibel. Un kaso den korte, hopi biaha no ta e mihó solushon.

Hopi konflikto ta bini di falta pa komuniká e ekspektativanan di un manera klá pa ku e otro partido. Eksperensia ta siña nos ku ta mihó pa for di un komienso buta palabrashonnan hasí riba papel. E kòmbersashon ta kana muchu mas fasil si abo ku e otro partido tin un bon komprondementu. Esaki por ta un sosio di negoshi, un provedor òf un trahadó. Wildeman Legal ta spesialisá den trahamentu i revisashon di kontrato i ta yudabu gustosamente for di komienso.

Na momentu ku surgi un disputa òf ku esaki ta mustra inevitabel, korte no ta e mihó solushon. Mayoria biaha bo por logra mas den un proseso di negosashon ku dilanti wes. Promé ku nos bai un bataya pabo den Korte, nos ta preferá drenta den kombersashon di negosashon ku e otro partido promé. Un akuerdo mutuo ta skapa tempu, gastu i ta eliminá insiguridat.

Na Wildeman Legal

• • Bo historia ta importante i serka nos bo no ta un number.
  • Nos mantené e liña kòrtiku i personalisá 
  • Nos ta pró-aktivo, flèksibel i determiná. Nos ta hasi lo máksimo pa bo kaso.
  • Nos idiomanan ta Hulandes, Ingles i Papiamentu, sin términonan hurídiko difisil.