E tumamentu di e refineria di Isla dor di CPR ainda ta sometí na un transakshon di banko lokal MCB i Banko Sentral, ku mester otorgá un pèrmit debí na e transakshon grandi na dòler, segun Pisa. E echo ku CPR a entregá dokumentonan finansiero falsifiká no ta motibu pa Promé Minister drenta pániko. Si algu bai robes di bèrdat, Pisas lo no duda pa stòp e proseso su mes ku CPR. E pregunta ta si esaki ta posibel.
E prome pregunta di siguimento den e tipo di casonan aki ta si a yega na un acuerdo caba. Ta improbabel ku esei lo sosodé pronto. Hopi bia ainda no a yega na un akuerdo riba e kontenido di e akuerdonan òf e konklushon di e akuerdo ta dependé di kondishonnan. Si no tin un akuerdo, e partido ku ta terminá tòg ta kore e riesgo di mester paga kompensashon pa e gastunan ku e otro partido a hasi den un fase preliminar asina di negosiashon.
Inicialmente, kualke partido ta liber pa kibra e negosiashonnan. Esaki ta diferente solamente si un partido por a konfia hustifikadamente ku un akuerdo lo wòrdu alkansá òf si sirkunstansianan ta nifiká ku tin un ‘bon motibu’ pa kibra negosiashonnan. Den kaso di e situashonnan menshoná anteriormente, e partido kontratante konfrontá ku negosiashonnan kibra den e fase preliminar por usa un kantidat di remedi, manera reklamá ganashi pèrdí (interes positivo di kontrato), kompensashon pa gastunan inkorrí (interes negativo di kontrato) òf kontinuashon di e negosiashonnan (kumplimentu).
For di un desishon resien di e Korte di Apelashon di Arnhem-Leeuwarden (ECLI:NL:GHARL:2021:11869) ta parse ku por tin asta un deber pa atvertí pa e partido ku ta terminá. E deber aki pa atvertí ta nifiká ku e partido ku ta terminá mester a indiká durante e negosiashonnan ku no tabatin un akuerdo riba e kontenido di e akuerdo i ku e gastunan ku a wòrdu hasí i ku ainda mester wòrdu hasí lo keda riba su mes gastu i riesgo. P’esey ta bon conseha partidonan pa sigui comunica claramente cu otro, hasta prome cu e firmanan a wordo poni.
Tokante e outornan
