Despues di sinku aña, salario mínimo na Kòrsou a subi ku 11,2 porshento. E salario mínimo brutu pa ora ta e montante NAf. 9.62 a oumentá na 2023 na e montante NAf. 10,70 pa empleadonan di 21 aña bay ariba.
Inflashon entre òktober 2018 i òktober 2022 tabata riba 18.9 porshento. E mayoria di e poblashon ta dependé di e salario mínimo. Mirando e dependensia aki, e oumento di salario mínimo ta proporshonal na e oumento signifikante di kosto di bida.
Ta atvertí ku hopi kompania (chikí) ainda ta hañando difikultat pa rekuperá di e impakto di e pandemia. P’esei CHATA ta hasi un yamada na gobièrnu pa konsiderá sostené negoshinan chikí i ku ta den rekuperashon dor di implementá akshonnan ku ta baha e gastunan di hasi negoshi. Particularmente ta busca atencion den e sector di turismo. Segun CHATA, e sektor aki ta futuro di Kòrsou i mester yud’é na un manera efisiente i produktivo, komo ku e konsekuensianan lo ta benefisioso pa e pais.
Banco Central ta di acuerdo den su sentencia y ta recomenda cu economia di Curaçao mester bira mas resiliente pa shocknan economico y cu e productividad di economia local mester aumenta.