Dia 6 di desèmber 2022, e Korte Konhunto a konfirmá ku partnernan di mesun sekso mester por kasa ku otro. Korte ta haña ku e eksklushon di parehanan di mesun sekso for di matrimonio ta kontrali na e prohibishon di diskriminashon i ta inkompatibel ku Konstitushon.
Gobièrnu di Kòrsou no por bai di akuerdo ku e posishon aki i lo apela kontra e desishon di Korte. Gobièrnu ta kere ku no tin ningun obligashon legal, ni nashonal ni internashonal, pa habri matrimonio tradishonal pa hende di e mesun sekso.
Kasashon ta nifiká ku e kaso ta wòrdu tratá pa e korte di mas haltu den nos region, esta Korte Supremo di Hulanda. Un partido den e prosedimentu por apela den kasashon si e partido ei ta kere ku Korte a kometé eror. Korte Supremo por deklará e petishon bon fundá òf infundá. Si e petishon ta bon fundá, e desishon di Korte ta wòrdu anulá. Si e petishon no tin base, e desishon ta keda na vigor.